Чычымах өрөгөйүн «Уруйдуу туойуоҕуҥ олоҕу» ырыаҕа куолас устуутугар 2 нэдиэлэ устата Ытык Күөллээҕи народнай тыйаатыр звукостудиятыгар биирдиилээн, бөлөҕүнэн түмсэн ыллаатылар. Муусука таҥааччы уонна устааччы уолаттар Михаил Варламов, Айсен Тоноев төһө да бириэмэлэрэ ыгым буоллар, кэлбит дьону үөрэ – көтө көрсөн, сүбэлээн – амалаан дьоһун үлэни оҥордулар.
Оттон бүгүн, ахсынньы 19 күнүгэр бүтэһик түһүмэх устуута буолан ааста. Манна барытыгар үлэлэспит, кыттыспыт дьоммутугар туохха да тэҥнэммэт истиҥ махталбытын тиэрдэбит.
Унаар Уйбаан тылларыгар, Карл Христофоров муусукатыгар «Уруйдуу туойуоҕуҥ олоҕу» Чычымах өрөгөйүн ырыатын ТАҺААРЫЫ бары билэрбит курдук бу сыл олунньу ыйыттан саҕаламмыта. Ол курдук:
— Оркестровка (Валерий Ноенохов)
— Саха аркыастырын устуу (Дирижер Николай Петров)
— Фотовыставка «Уруйдуу туойуоҕуҥ олоҕу» (Архив, фото Мичил Яковлев, Егор Иванов)
— Видеоҕа устуу балаҕан ыйын 27-29 күннэригэр Чычымах, Ы-К.
Билигин ырыабытын ахсынньы 31 күнүгэр видеоклибын сүрэхтиэхпит диэн бигэ эрэллээхпит. Үтүө дойду өрөгөйүн ырыатын араадьыйанан, куйаар ситимнэригэр, араас соц. сеттарынан истиэхпит турдаҕа.