ЫТЫК ТААТТА, АММА нэһилиэгэр алтынньы 21 күнүгэр аан дойдутааҕы муусука, аҕам саастаах дьон, учуутал, тыа хаһаайыстыбатын үлэһиттэрин, кыстыкка киирии, арассыыйаҕа ийэ уонна аҕа күнүн бэлиэтиир үтүө түһүлгэтэ, араас эйгэни бииргэ ситимнээн сайдыы суолун тэлэргэ туһуламмыт «АММА СИТИМЭ» — саҥа бырайыак сyрэхтэниитэ «УРУЙДУУ ТУОЙУОҔУҤ ОЛОҔУ» диэн ааттанан үрдүк таһымнаахтык ыытылынна диэн сэмээр үөрэ саныыбын.
Кылгас бириэмэ иһигэр биир дьиэҕэ үлэлиир «Айылгы» норуот айыиньытын дьиэтэ, «Дьулуур» спортивнай саалата, А.П. Кулаковская аатынан модельнай библиотеката ону сэргэ нэһилиэк администрациятын үлэһиттэрэ, Чычымах активистара буолан былааннаммыт соругу толорорго дьулуспуппут.
— «АММА СИТИМЭ» фирменнай истиилин оҥоруу. Сиһилии https://ammasitime.ru/firmennyj-stil/ .
— Куйаар ситимигэр «АММА СИТИМЭ» саҥа сайтын оҥоруу. https://ammasitime.ru/ , социальнай ситимнэри (телеграмм, вконтакте) арыйыы.
— “КЭМ-КЭРДИИ” – үйэ нэһилиэстибэтин аныгы кэм тэтиминэн үйэтитии (Медиацентр) эйгэтин тэрийии.
— Култуура уонна спорт киинин дьиэтигэр хас биирдии муннук толору үлэлиир хайысхаларын ыйыы, оҥоруу. (Ампаар дьиэтин тутуу, дьарыктанар хоһу дьон күннэтэ сылдьарыгар тупсаран оҥоруу, саала хосторун бэйэтин эйгэлэринэн туһунан сааһылааһын, ыраастааһын, кэнсиэртиир сыананы хайа да тыйаатыртан хаалсыбаттык, бары каноннарга толору эппиэттиир гына тупсаҕайдык оҥоруу, олбуор бөҕүн-саҕын хомуйуу, сирин көннөрүү, саҥа котельнай үлэтин саҕалыырыгар сир тоҥуон иннинэ благоустройства ситимин сорох өрүттэрин тардыы о.д.а)
— Күннэтэ ретециялар, саҥа эйгэлэр төрүттэниилэрэ. (Тыас -уус, дорҕоон, доҕуһуол эйгэтэ, тыйаатыр эйгэтэ, «Вальс победы» бальнай үҥкүү эйгэтэ, күргүөмүнэн ырыаны толоруу)
— «Путь к Кулаковскому» Президенсткай граҥҥа заявканы суруйуу.
Бу маны барытын сиһилии билиһиннэрии, саҥа сезону арыйар «Уруйдуу туойуоҕуҥ олоҕу» тэрээһиҥҥэ туох кыалларынан көрдөрүлүннэ.
Егор Иванов.
