Олунньу ый бүтүүтэ аҕа баһылыкпыт Степан Степанович Соров уонн мин Егор Валерьевич Иванов (оператор ЧДНТ) буолан ООО «ЭКСТРА СИНЕМА» генеральнай дириэктэрин Петр Александрович Чиряевы кытта Дьокускай куоракка кинозал арыйарга туох ханнык оборудования, кинопрокат хайдах ыытылларын билсэ – көрсө диэн сырыттыбыт. Онно тутатына 1 мөл. 300 тыс. солкуобайдаах коммерческай предложенияны ыламмыт хантан үбүлэнэн бу бырайыагы олоххо киллэрэбит диэн толкуйга түстүбүт. Өр өтөр буолбата Степан Степанович биир дойдулаахпыт Валерий Георгиевич Малышевы кытта көрсүһүүгэ, бэрт сэргэх кэпсэтии түмүгэр Чычымахха кинозал арыйыахха диэн былаан оҥоһуллубута. «Алаас ааттаах, Дойду сурахтаах» — диэн маны этэн эрдэхтэрэ, Валерий Георгиевич кинопроектор сыанатын бэйэтэ уйунарын, биир дойдулаахтарыгар, дьонугар – сэргэтигэр бэлэх уунарын.
Бырайыак олоххо киирэригэр элбэх үлэ күүтэрин чопчу былланнаан, аттаран үлэ бу сайынтан саҕаламмытынан барбыта. Ол курдук интернет ситимэ 50 мбиттан кырата суох түргэнин ирдииригэр спорт саалатыгар оптоволокно линиятын тардыыта, 230 кг ыйааһыннаах улахан экран ыйанарыгар остуолбатын туруоруута, уотун — күөһүн тардыыта, олорор олбохтор миэстэлэрин элбэтиитэ, ремоннааһына саҕаланна.
Үлэ түгэннэриттэн хаартыскалар
Алтынньы ый 17 күнүгэр алаас дьонугар олус суолталаах дьоһун тэрээһин буолан ааста. Бу күн күнүс 4 чаастан Харбалаах, Чымнаайы, Чычымах үс Амма бэтэрээн спортсменнарын ыҥыран «Уруйдуу туойуоҕуҥ олоҕу» үйэ нэһилиэстибэтин аныгы кэм тэтиминэн үйэтитии хаартысканан медиагалереяны көрдөрүү,
"Уруйдуу туойуоҕуҥ олоҕу" медиагалерея
«Өксөкүлээх Өлөксөй”, “Өркөн өй”, “Чөл олох, чөл турук”, “Тыас уус, дор5оон, доҕуһуол”, “Айар түмсүү” — (Уран тыл «поэзия» эйгэтэ, Куйаар ситимэ «Олоҥхо” эйгэтэ, «Түмэр күүс» күргүөмүнэн ырыаны толоруу, Төрүт дорҕоон уһуйаанын хоьо) эйгэлэринэн экскурсияҕа сырытыннарыыттан саҕаланна. “Өрөгөй, Таһым, Чыпчаал” Амма нэһилиэгин чулуу спортсменнарыгар аналлаах хаартысканан медиагалерея, “Манчаары” кинозал маҥнай тэриллиэҕиттэн сиһилии кэпсиир Хоноехов Василий Дмитриевичка аналлаах быыстапка арыллыыта буолла. Бырайыак олоххо киириитигэр сүҥкэн кылааттарын киллэрбит Малышев В.Г. уонна Соров С.С. – тыын быһа эфиргэ холбонон эҕэрдэ тыллар, баҕа санаалар этилиннилэр.
Өксөкүлээх Өлөксөй эйгэтэ
Өркөн өй эйгэтэ
Чөл олох, чөл турук эйгэтэ
Тыас -уус, дорҕоон, доҕуһуол эйгэтэ
Айар түмсүү - (Уран тыл «поэзия» эйгэтэ, Куйаар ситимэ «Олоҥхо” эйгэтэ, «Түмэр күүс» күргүөмүнэн ырыаны толоруу, Төрүт дорҕоон уһуйаанын хоьо)
“Манчаары” кинозал туһунан быыстапка
Дьэ, уонна киэһэ 5 чаастан өр күүттэриилээх, долгутуулаах түгэнинэн “ТРИУМФ” саҥа киинэ сүрэхтэниитэ көрбүт эрэ киһини барыбытын үрдүккэ кынаттаата.
