Алтынньы 13 күнэ. Нэһилиэкпитигэр «АЙЫЛГЫ» норуот айымньытын дьиэтин иһинэн «КЭМ-КЭРДИИ» — үйэ нэһилиэстибэтин аныгы кэм тэтиминэн үйэтитии (Медиацентр) үлэтин саҕалаата. Нэһилиэнньэ олоҕун-дьаһаҕын, историятын, сонуннарын «АММА СИТИМЭ» сайт, телеграмм, вконтакте нөҥүө кэпсиэ, хаартыскаҕа түһэрэн үйэлээх альбомнары таһаарар өҥөлөрүн оҥоруо.
Чычымахпытыгар араас хабааннаах үлэлэр ыытылла тураллар. Ол курдук:
Спорт, култуура эйгэтин дьиэтигэр кыһыннары — сайыннары дьон тоҕуоруһа мустар сиригэр табыгастаах буоллун диэн тэлгэһэтин, суолун көннөрүүтэ. Мал-сал уурар ампаарын тутуута саҕаланна.
Нэһилиэкпитигэр өр сылларга ыра оҥостубут санаабыт туолара күннэтэ чугаһыыр. Саҥа котельнайбыт үлэҕэ киирэн дьиэлэрбит ититии, благоустройства боппуруостара .быһаарыллар тэтимнэрэ түргэтиэ..
Бүгүн Чычымах күөлүн, уутун таһымын аччатар тэрээһинэ ыытыллыа. Онно анаан уу сүүрэр каналлара хаһыллан үлэ түмүктүүр чааһыгар кэллибит. Ону сэргэ суол оҥоруу, кэҥэтии үлэлэрэ ыытылла тураллар.
