Сэтинньи 9 күнүгэр Ытык-Күөлгэ ыытыллыбыт улуус спартакиадатын бильярд көрүҥэр Амма нэьилиэгиттэн толору хамаанда баран кытынна.
Эр дьонно: Кычкин Сергей, Стручков Батас.
Дьахталларга: Канаева Анна
Ветеран эр дьоҥҥо: Софронов Константин.
Уопсайа 11 нэьилиэк кыттыбытыттан, биһиги хамаандабыт Уолба, Чөркөөх уонна хаьан да бильярд көрүҥэр үс иһиттэн түспэтэх Туора-Күөл курдук нэһилиэк хамаандаларын кэннигэр быраҕан полуфиналга таҕыста. Бу биһи нэһилиэккэ буолбатах түгэн, ол курдук полуфиналга Баайаҕа, Ытык-Күөл, Чымынаайы уонна Чычымах таҕыста, ол аата кыра нэһилиэктэргэ 2 миэстэ ылбыт курдук сананар бырааптаахпыт. Полуфиналга бу көрүҥҥэ сыл аайы бастакы эбэтэр иккис миэстэ5э сылдьар, бильярд көрүҥүн өрө туппут Чымынаайы нэһилиэгин хамаандатыттан 3:1 счекка хотторон улууска төрдүс миэстэни ыллыбыт.
Сарсыарда 9 чаастан туун 00:00 чааска дылы күрэхтэһэн бу улахан кыайыыны нэһилиэкпитигэр аҕаллыбыт. Түүн 2:00 чааска дьиэбитин буллубут.
Туспа махтал чааһынай массыынатынан илдьэ сылдьыбыт Кычкин Сергейга хамаанда көрдөһүүтүн ылынан баран кэлбитигэр. Бу оонньуу быраабылаларын, приемнарын билиһиннэрбит бильярд көрүҥэр Республикаҕа таһымнаах оонньооччу «Дьулуур» залбыт директорыгар Софронов Константиҥҥаа күүстээх оонньууну көрдөрөн Таатта спорт федерациятын, Таатта нэһилиэктэрин соһутан, бэйэбит астынан кэллибит.
Аныгыскы спартакиадаҕа нэһилиэкпит дьаһалтата спорт сайдарын туһугар, олохтоохтор дьарыктаах, чөл олохтоох, спорду өрө тутар буолалларын туһугар транспорт , бензин өттүнэн көмө буолуо диэн эрэнэбин.
Анна Канаева.
